Sage vom Armensünderposten

To´n Dabel is´n Post. Mienen Großvadder sien Vadder het vertellt: Dor is´n Kägelgraben (Rämel) von´n Wool na´n Dabel. Dat is de Schoolstieg. Dor steiht´n Duurnbusch, 1,5-2m in´n Umfang, steiht grad oever denn Post up de annern Siet von denn Rämel.

En Wittfru het´ne Dochter hatt, de Fru het enen Knecht wat andaan, dat he nah de Diern het hen müßt. He is´z abends weglopen in´n Snee un all, he het henmüßt, het nich anners künnt. Dor het een to em seggt, he will em dorvon afhelpen; he het em up de Nääs haugt, dat dat Bloot rutsprungen is. Dor is´t vörbi wäst, dor het he nich mihr henbruukt!

De Ollsch is nu falsch worden, dat he de Diern nich friegt het, un het angäben vör Gericht, dat he Knecht mit´n Pierd läävt hadd. Son Lüd sind jo gliek köppt donnmals. Dor het he seggt: he wull, dat, wo he stahn deed, wenn em de Kopp aufhaugn würd, dat dor´n Post wassen deed, denn keen Minsch vertilgen künn, un wo de Kopp henflegen deed, dat dor´n Duurnbusch wassen deed, denn kener vertilgen künn. Grad oever up anner Siet is de Kopp henflagen.

Eens heben se denn Duurn uträädr, oever dor is in´n Johr wedder so´n Busch worden.

[Erzähler: Schäfer Wolter, ca. 70 Jahre, Grevesmühlen, Kreis Grevesmühlen: aus Dabel-Woland, Kreis Sternberg]
[Aufzeichner: Wossidlo 01.11.1911]

Aus: Herr und Knecht
Aus der Sammlung
Richard Wossidlos
Akademie Verlag . Berlin 1960

Inschrift am Dabeler Sünderposten
Inschrift am Dabeler Sünderposten
Start | Sagenwelt | Ur- & Frühgeschichte | 19. Jahrhundert | Die Arbeiterklasse | Neues Leben | Schulwesen | Kultur | Dabels Umgebung
Impressum | Copyright 2007 © Medienarchitekten Berlin